Hetimet janë specifikisht për veprimet e Ahmetajt dhe jo lidhjen e tij me inceneratorët
Komentet Imeraj i bëri në News24 ku komentoi edhe deklaratën e avokatëve të Ahmetajt, të cilët njoftuan më herët se klienti i tyre nuk gjendet në Shqipëri momentalisht, duke thënë se ky veprim nuk duhet të paragjykohet.
“Nuk mund ta paragjykojmë veprimin e Ahmetajt të përfaqësuar nga avokatë të tij, sa kohë njohja me dosjen është procedurale. Nuk duhet ta paragjykojmë që ishte për efekte të fitimit të kohës. Nëse e marrim në aspektin e mbrojtjes efektive, mbrojtësit kanë të drejtë të kenë dijeni për aktet që prokuroria pretendon që ka dyshime të bazuar në prova që lejon kërkesën për arrestimin e subjektit të dyshuar.
Në rangun e hetimit, ai vijon edhe në mungesë deri në përfundim ku konkludohet që ka një bazë të mjaftueshme për të komunikuar akuzën.
Korrupsioni pasiv në 6 raste ka të bëjë me përfitime të marra në mënyrë indirekte të Ahmetajt nga personazhe në gjykim tanimë për inceneratorët. Pastrimi i parave më tej është një akuzë individuale për Ahmetajn. Nuk shohim një hetim konkret për inceneratorët. Hetimet janë specifikisht për veprimet e Ahmetajt dhe jo lidhjen e tij me aferën. Megjithatë hetimet nuk kanë përfunduar”, u shpreh ajo.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.