IKMT nis rehabilitimin e rreth-rrotullimeve; përplasje me banorët

Inspektoriati Kombëtar i Mbrojtjes së Mjedisit ka nisur këtë të enjte aksionin për rehabilitimin e rreth-rrotullimeve në aksin rrugor Rrogozhinë-Fier.

Sipas një njoftimi për shtyp të këtij Inspektoriati, plani i punës ka nisur të zbatohet në rreth-rrotullimin e Lushnjes.

“Operacioni parashikon mes të tjerash shembjen e dy objekteve një dhe disakatëshe, të ngritura pa leje përreth”, thuhet në komunikatë.

Mirëpo, me nisjen e aksionit në rrethrrotullimin e Gërmenjit, Inspektoriati ka hasur në rezistencën e disa banorëve, të cilët kërkojnë dëshmpërblim për ndërtesat që do të prishen.

Banorët thonë se ndërtesat janë me leje dhe se nuk do të lejojnë prishjen e tyre, në rast se ata nuk do të kompensohen sipas rregullave për pronat e tyre.