Inspektoriati i Lartë i Mjedisit mbyll 19 lokale nate në Tiranë

Janë penalizuar 30 lokale në Tiranë nga Inspektoriati i Lartë i Mjedisit, pasi janë evidentuar me shkelje ligjore.

Pas kontrolleve të ushtruara në kryeqytet, Inspektoriati ka vendosur 30 gjoba administrative dhe për 19 lokale ka vendosur mbylljen. Disa prej lokaleve nuk kanë qenë të pajisur me leje mjedisore. Kryesisht gjobat janë vendosur për shkak të ndotjes akustike.

Lokaleve që do të mbyllen u është lënë 24 orë kohë dhe nëse nuk respektojnë vendimin e marrë nga Inspektoriati, atëherë do të veprojë policia.

Kryeinspektori Ergys Agasi theksoi vendosmërinë për zbatim rigoroz të ligjit, si në Tirane ashtu edhe në çdo qytet tjetër të vendit.