Iran, reformisti Rohani zgjidhet president për herë të dytë

Hassan Rohani është zgjedhur për të dytën herë që në raundin e parë president i Iranit. Lajmi është bërë i ditur nga Ministria e Brendshme në Teheran.

Sipas të dhënave akoma jo përfundimtare, Rohani ka marrë 56.3% të votave nga 42 milionë zgjedhës, duke mundur kështu konservatorin Ebrahim Raisi (38.99%(.

Konfirmohet kështu edhe konsensusi popullor mbi marrëveshjen nukleare të nënshkruar nga Rohani, gjë që ka sjellë fundin e sanksioneve të perëndimit.

Kandidati tjetër konservator, Mostafa Mirsalim, ka marrë 297.276 vota (1.14%), ndërsa kandidati tjetër reformist, Mostafa Hachemi Taba, i cili kishte ftuar mbështetësit e tij të votonin Rohanin, ka marrë 139.331 vota (0.53%).

Në votime morën pjesë 56.4 milionë iranianë, ku 1.3 milionë të rinj votonin për herë të parë.