Ish-drejtuesit e “CEZ” gjykohen në mungesë
Gjykata e Tiranës vendosi të gjykojë në mungesë dy-ish drejtuesit e lartë të CEZ-it në Shqipëri, Josef Heisek dhe Jan Ivanov, të cilët akuzohen për veprën penale të mashtrimit me pasoja të rënda.
Vendimi u mor paraditen e së mërkurës nga trupi gjykues, i cili konstatoi se në mënyrë të përsëritur nuk kishte asnjë përgjigje për njoftimet që u ka bërë të pandehurve në adresat e banimit në Çeki.
Por nga ana tjetër Hejsek dhe Ivanov, nëpërmjet një prokurore të përkthyer nga gjuha çeke, autorizojnë avokatin Arben Rakipi që t’i përfaqësojë në këtë gjykim.
Avokati Rakipi për shkak të volumit të çështje si i kërkoi gjykatës 1 muaj kohë që të njihet me dosjen, kohë e cila iu dha nga gjykata. Dy ish-drejtuesit e CEZ akuzohen se kanë mashtruar me mbledhjen e vlerave të faturave të energjisë elektrike në Shqipëri.
