ISIS kërcënon Obaman: Ky Shën Valentin do jetë i përgjakur

Terroristët e ISIS kanë kërcënuar presidentin amerikan Barack Obama, përmes një mesazhi të publikuar në faqen zyrtare të gazetës “Newsweek” në rrjetin social “Twitter”.

Hakerët e kanë identifikuar veten si “CyberCaliphate”, dhe kanë paralajmëruar presidentin amerikan se “Ky Shën Valentin do jetë i përgjakur”.

“Mishel, ne po të vëzhgojmë ty, vajzën dhe burrin tënd! Ndërkohë që SHBA dhe satelitet e saj vrasin vëllezërit tanë në Siri, Irak dhe Afganistan, ne do të shkatërrojmë sistemin e sigurisë elektronike kombëtare. Me lejen e Allahut ne do të vazhdojmë hakerimin brenda rrjeteve kompjuterike të Pentagonit dhe do të publikojmë dokumente sekrete nga Qendra e Sigurisë Elektronike të SHBA”,thuhej në mesazhin e hakerave.

I njëjti grup hakerash ka marrë përgjegjësinë për sulmin në llogarinë në “Twitter”’it të Komandës Qendrore të Shteteve të Bashkuara, më 12 janar.

“CyberCaliphate” pretendon se ka përvetësuar informacione të Pentagonit, që ishin në llogarinë gazetës “Newsweek” e cila ka 2.51 milionë ndjekës në “Twitter”.