Ja kur dorëzohet kërkesa zyrtare e Serbisë për ekstradimin e Haradinajt
Në fillim të javës që vjen, autoritetet gjyqësore në Francë do kenë në dorë kërkesën zyrtare të Serbisë për ekstradimin e Ramush Haradinajt në Serbi.
Presidenti serb, Tomislav Nikolic, ka thënë se Serbia nuk do të heq dorë kurrë nga kërkesa për ekstradimin e Haradinajt, i cili u arrestua gjatë kësaj jave në Francë, shkruan RTS.
Avokati i Haradinajt, Arianit Koci ka thënë dje se tashmë është dërguar kërkesa për lirimin me kusht të Haradinajt dhe se gjithashtu pret nga gjykata në Francë që ta marre në konsideratë kete kërkesë.
Ramush Haradinaj u arrestua të mërkurën nga një flet-arrest i Serbisë, nën dyshimin se gjatë vitit 1998 dhe 99 kishte kryer krime gjatë luftës. Në vitin 2004, Serbia kishte lëshuar flet-arrest ndërkombëtar, duke e akuzuar Haradinajn për krime lufte.
Ai u gjykua nga Tribunali i Hagës për krime të luftës dy herë, mirëpo në të dyja rastet doli i pafajshëm.
