Ja pasuria e Ridvan Bodes, për të cilën akuzohet se nuk e justifikon dot

Dy ditë më parë, Ridvan Bode u kallëzua penalisht se ka refuzuar të deklarojë se nga i ka përfituar të ardhurat e tij.

Bode nuk justifikon dot një pasuri prej 500 mijë euro.

Nëse do të shohësh rrogën e Bodes dhe gruas dhe vajzës së tij, pasuria e tyre është shumë e madhe, në krahësim me të ardhurat.

Bode në deklaratën e pasurisë, ka thënë se paga dhe shpërblimet që merrte gjatë kohës që ishte ministër, ka qenë 1.4 milion.

Por, pasuria e tij është e llahtarshme.

Ai në deklaratën e vet të pasurisë, thotë se ka një banesë që kushton 270 mijë euro.

Po ashtu ka marrë një tjetër shtëpi nga Enti i Banesave, shlyerjen e kredisë të së cilës nuk e ka dokumentuar. Pra, nuk dihet nëse e ka paguar këtë shtëpi apo jo.

Ai thotë ndërkohë, se në viti ka përfituar 18 mijë euro nga qeraja e një tjetër shtëpie.

Për të mos folur pastaj për disa depozita në banka të ndryshme.

Ndërsa e shoqja, Jola Bode, ka deklaruar se zotëron dy shtëpi të tjera.

Njëri në Komunën e Parisit me vlerë 6.6 milionë lekë dhe një në rrugën “Sami Frashëri” me një vlerë prej 175 mijë euro, ndërsa ka edhe një garazh me vlerë 7.790 euro.

Ndërsa e bija e Bodes, Adela, ka deklaruar fitimin e 22.593 euro në vit nga një kompani private.

945.372 lekë të tjera i ka përfituar nga konsulenca private në një firmë, ndërkohë që ka deklaruar edhe blerjen e një Audi për 990.000 lekë.