Jordania e gatshme për marrjen e masave për frenimin e sulmeve izraelite

Jordania konfirmoi sot në Këshillin e Sigurimit të OKB-së se ishte e gatshme të merrte masa për të ndalur sulmet izraelite kundër xhamisë Al-Aqsa në Jerusalemin Lindor.

“Jordania mendon se sulmet e rënda dhe skandaloze të kryera nga Izraeli janë një përshkallëzim i pazakontë i dhunës”, shprehu me keqardhje ambasadorja jordaneze në OKB, Dina Kawar në një letër për presidentin e Këshillit.

Duke nënvizuar se Jordania kishte thirrur më herët ambasadorin e saj në Tel-Aviv, diplomatja shtoi se ky ishte një paralajmërim pa hequr dorë nga çdo masë ligjore shtesë që Jordania mund të marrë për të ndalur sulmet izraelite kundër xhamisë Haram Al-Sharif (Al-Aqsa).