Kakavijë/ Kapen 76 shtetas klandestinë, me tyre gra dhe fëmijë

Nga Janari 2014 kanë hyrë 1 148 shtetas klandestinë në vendin tonë

Policia e Gjirokastrës falë një pune intensive në zonën e gjelbërt pranë kufirit të Kakavijës ka bërë të mundur ndalimin e 76 shtetasve klandestinë.

Burime nga Policia e Gjirokastrës bëjnë të ditur se gjatë një patrullimit në kufirin e gjelbër, në vendin e quajtur mulliri, u ndaluan 76 shtetas klandestinë nga vendet e treta, ndër ta 9 femra, 7 fëmijë. Mësohet se origjina e tyre ishte nga Siria.

Kujtojmë që sipas burimeve nga Ministria e Punëve të Brendshme, nga 1 Janari 2014-19 Tetor 2014 në vendin tonë kanë hyrë rreth 1 148  shtetas klandestinë. Shumica e tyre nga Siria 681 Sirianë, 223 nga Eritrea… Sipas burimeve nga Ministria e Brendshme mësohet se disa prej tyre kanë kërkuar azil, disa të tjerë kërkonin të shfrytëzonin territorin tonë si transit për të kaluar në Mal Zi, apo në Itali. Në çdo rast të identifikuar bëjnë të ditur burimet e ATSH-së pranë Ministrisë së Punëve të Brendshme mësohet se është punuar për ri-atdhesimin e këtyre shtetasve.