KE-ja propozon heqjen e vizave për qytetarët ukrainas

Komisioni Evropian propozoi sot heqjen e vizave për shtetasit ukrainas, pasi Kievi të ketë arritur të zbatojë reformat e vështira dhe aspekte të tjera në çështjet e punëve të brendshme dhe të shtetit të së drejtës.

“Sot, ne respektojmë angazhimet tona duke propozuar udhëtime pa viza dhe për një afat të shkurtër të qytetarëve ukrainas”, deklaroi komisioneri evropian për Migrantët, Dhimitris Avramopulos.

Propozimi i Komisionit shumë shpejt do t’i paraqitet Këshillit të BE-së, që përfaqëson 28 vendet anëtare, dhe Parlamentit Evropian.