Këlliçi: Edhe këtë VIDEO do ja çojmë SPAK-ut që ta shikojë

Anëtari i kryesisë së PD-së, dhe denoncuesi kryesor i skandalit të inceneratorit të Tiranës, Belind Këlliçi ka reaguar në Facebook, në lidhje me deklaratat e Erion Veliajt në shtator 2017.

Si kryebashkiak i Tiranës, Erion Veliaj tha se kishte ndryshuar buxhetin e bashkisë, për të dërguar para për inceneratorin e Tiranës.

Këlliçi shkruan nëse, SPAK e ka parë këtë video apo jo, dhe shprehet se të hënën  do ta dorëzojë në prokurorinë e posaçme edhe këtë deklaratë publike të Erion Veliajt.

Reagimi i Belind Këlliçit:

Pyetje publike drejtuar SPAK.

Këtë video e keni parë? Keni informacion për këtë qëndrim të Veliajt në Këshill Bashkiak, ku me gojën e tij pranon gjithçka, mbi të gjitha faktin që është ai propozuesi dhe iniciuesi i skemës korruptive në landfillin e Sharrës?

Nëse nuk e ka parë SPAK, sërish do t’i vijë në ndihmë Partia Demokratike.

Zyrtarisht të hënën do të depozitojmë me cd, këtë video të Veliajt, e cila është flagrante për shkak të deklaratave që ajo mbart.

Beteja do të vazhdojë deri në fund, pa asnjë kompromis apo hezitim. Deri në fund!