Kompania kineze CRRC shpreh interes për tu futur në tregun shqiptar

Ministri i Transportit dhe Infrastrukturës, Edmond Haxhinasto, priti sot në një takim përfaqësues të kompanisë Corporation Railway Stock Corporarion, kompania e ndërtimit private më e madhe kineze në sektorin e transportit hekurudhor.

Gjatë takimit ministri Edmond Haxhinasto, theksoi se qeveria shqiptare po i kushton një vëmendje të madhe transportit hekurudhor.

Ministri theksoi se po punohet që brenda këtij mandati qeverisës, të lidhet kontrata për linjën hekurudhore që do të lidhë Tiranën me aeroportin e Rinasit dhe me qytetin e Durrësit.

“Paralelisht po kryet studimi fizibilitetit për gjithë rrjetin hekurudhor shqiptar, që do të synojë ndërtimin e linjave hekurudhore me standarde evropiane, dhe do të vlerësojë mundësinë e lidhjes me hekurudhat e vendeve fqinje, si me Kosovën dhe Maqedoninë, për të qenë pjesë e rrjetin rajonal dhe evropian hekurudhor”, deklaroi ministri Haxhinasto.

Ministri Transportit dhe Infrastrukturës Edmond Haxhinsto, tha se krijimi i një klime të favorshme ndaj bisnesit është prioritet i kësaj qeverie, dhe interesimi i shumë kompanive prestigjoze ndërkombëtare e tregon këtë.

Drejtues të kompanisë CRRC, gjatë takimit me ministrin e Transportit dhe Infrastrukturës Edmond Haxhinasto, shfaqën interesin e tyre për tu futur në tregun shqiptar, dhe për të investuar në rrjetin hekurudhor.

Kompania CRRC është ndër më të mëdhatë në tregun aziatik dhe atë kinez, në furnizimin me teknologji dhe pajisje të një teknologjie të lartë për hekurudhat.