Thaçi: Zgjedhjet më 11 qershor

Presidenti i Kosovës, Hashim Thaçi, në konferencën për media pas takimit me partitë politike dhe KQZ-në, ka njoftuar se 11 ose 18 qershori janë datat e mundshme për zgjedhjet e jashtëzakonshme.

Presidenti Hashim Thaçi ka nisur takimet mëngjesin e sotëm me kryetarët e partive parlamentare për të diskutuar datën e mbajtjes së zgjedhjeve të parakohshme në Kosovë.

Thaçi ka përmendur 11, 18 dhe 25 qershorin si data alternative.

Hajredin Kuçi nga PDK-ja ka propozuar 11 qershorin, Vetëvendosje 18 qershorin, AAK, Nisma dhe AKR-ja kanë propozuar 11 qershorin si datën më të mirë për zgjedhjet e jashtëzakonshme.

Valon Murati nga LB-ja ka propozuar 11 qershorin ndërsa Mahir Yakcilar është shprehur për 11 dhe 18 qershorin si data alternative.

Slavko Simiq ka propozuar 11 qershorin. I të njëjtit mendim ka qenë edhe Ferid Agani nga PD-ja.

Ndërsa. Lidhja Demokratike e Kosovës nuk ka shkuar në takimin e përbashkët të partive politike me presidentin e Kosovës, Hashim Thaçin.