Kosovë, zgjidhet kryetarja e Gjykatës Kushtetuese

Gjyqtarët e Gjykatës Kushtetuese të Kosovës kanë zgjedhur gjyqtaren Arta Rama Hajrizi si kryetare të këtij institucioni.

Sipas një njoftimi të Kushtetueses, gjyqtarja Arta Rama Hajrizi do të marrë postin e kryetares, pasi të përfundojë mandati i kryetarit aktual të gjykatës, Enver Hasani, më 26 qershor të këtij viti.

Mandati i kryetarit të Gjykatës Kushtetuese të Kosovës është tre vjet. Arta Rama Hajrizi ka punuar më parë si konsulle e përgjithshme në Konsullatën e Kosovës, në Nju Jork.