Përkujtohet akademiku Bahri Beci, vlerësohet kontributi i tij në studimin e gjuhës shqipe

Në 90-vjetorin e lindjes së akademikut Bahri Beci, një prej emrave më të rëndësishëm të gjuhësisë shqiptare, u përkujtua kontributi i tij në studimin e gjuhës.

Puna shkencore e akademikut vijon të frymëzojë edhe sot studiuesit e gjuhësisë. Një nga fushat ku idetë e tij vazhdojnë të zhvillohen është ajo e kurbës melodike të fjalëve në shqip, një hipotezë që ai e trajtoi në studimet e tij mbi intonacionin dhe strukturën fonetike të gjuhës.

Gjatë dekadave të punës së tij shkencore, Bahri Beci la gjurmë në studimet albanologjike, duke u shquar veçanërisht për kërkimet në dialektologji, fonetikë dhe strukturën e shqipes së folur.

Përtej figurës së studiuesit, për familjarët ai mbetet mbi të gjitha një baba dhe një njeri i përkushtuar ndaj dijes.

Kështu, në 90-vjetorin e lindjes së tij, figura e akademikut Bahri Beci rikthehet në qendër të vëmendjes jo vetëm si një personalitet i shquar i albanologjisë, por edhe si një mendje kërkimore që vazhdon të ndikojë brezat e rinj të studiuesve të gjuhës shqipe.