KQZ miraton rezultatet për Shkodrën, Tiranën, Korçën dhe Durrësin

Komisioni Qendror i Zgjedhjeve ka miratuar rezultatet përfundimtare të zgjedhjeve parlamentare të 25 qershorit për qarkun  Shkodrës, Tiranës, Korçës dhe Durrësit.

Pas këtij vendimi çdo njëra prej forcave që ka ankesa ndaj këtij vendimi ka mundësi t’i paraqesë ato pranë KQZ.

Gjatë mbledhjes së sotme ishte parashikuar miratimi i tabelave përfundimtare të rezultateve për zgjedhjet e mbajtura javën e shkuar për qarqet e Vlorës, Gjirokastrës dhe Berat, vendim që u shty për ditën e mërkurë.