Kreu i Komisionit Evropian: BE-ja ka ndërhyrë tepër në jetët e njerëzve

Euroskepticizmi në BE është shkaktuar pjesërisht për shkak të ndërhyrjeve të tepërta nga Brukseli në jetën e njerëzve të zakonshëm, i cili ka nevojë të zbutet, tha të martën kreu i Komisionit Evropian, sipas Reuters.

Në komentet potenciale për ti bërë jehonë Britanisë teksa ajo përgatitet për referendumin e qershorit i cili do të vendosë në se do të qëndrojë apo jo në bllok, Presidenti i Komisionit Jean¬-Claude Juncker tha se më shumë kompetenca duhet të jenë atribut i kryeqyteteve në vend se të institucioneve qendrore të BE-së.

I pyetur nga ligjvënësi konservator britanik Nigel Evans se çfarë kishte në plan të bëjë në lidhje euroskepticizmin në rritje, Juncker tha se: ‘Unë mendoj se një nga arsyet se pse qytetarët evropianë po i largohen projektit evropian është për shkak të faktit se ne po ndërhymë në shumë fusha të jetës së tyre private. Në shumë nga këto zona, shtetet individuale ishin ‘pozicionuar më mirë për të ndërmarrë veprime dhe për të miratuar legjislacionin’. Për këtë arsye, Brukseli po miraton shumë më pak pjesë të reja të legjislacionit se sa nën presidentët e mëparshëm,; tha Juncker.