Kryeministri Bojko Borisov u nderua me çmimin më të lartë shtetëror të Serbisë

Në një ceremoni zyrtare në Beograd, presidenti Aleksandër Vuçiç  i dha kryeministrit bullgar Bojko Borisov “Çmimin e Republikës të Serbisë”. Çmimi më i lartë shtetëror në Serbi i qe dhënë Borisovit për kontributin e tij të madh lidhur me zhvillimin dhe forcimin e bashkëpunimit dhe të marrëdhënieve miqësore midis Serbisë dhe Bullgarisë. Kryeministri falënderoi për çmimin në emër të gjithë popullit bullgar dhe deklaroi se Serbia është një pjesë e pandarë nga Evropa dhe në një kohë sa më të afërt do të bëhet anëtare e Bashkimit Evropian.