Kryeprokurori Imer Beka: Kemi goxha prova të mira se kush po i djeg veturat zyrtare

Kryeprokurori i Prokurorisë Themelore në Prishtinë, Imer Beka, ka thënë se kanë prova të besueshme për djegien e veturave zyrtare.

Beka ka thënë se janë në proces, por nuk mund të flas shumë në detaje për shkak se mund të dëmtohen hetimet.

“Jemi në proces të hetimeve, sot kemi biseduar me policë. Kemi avancuar me hetime, jemi mirë, por njëherë nuk mund të them asgjë”, ka thënë Beka për Indeksonline.

Ai ka thënë se janë duke i kryer hetime, por ngadalë dhe në vazhdimësi. Beka ka konfirmuar se sot ka pasur takim me hetuesit për djegien e veturave të fundit.

“Hetimet kanë nisur moti dhe jemi në vazhdimësi, kjo do të kryhet ngadalë. Kemi goxha prova të mira se kush po i bën, por nuk mund të flas më shumë sepse mos po na prishen a ndonjë gjë. Po kemi prova të besueshme, sot u takova me hetuesit dhe kemi shpresa”, ka thënë Beka.