Kurti do të mungojë ne takimin informal të Tiranës por dërgon zëvendësin e tij
Takimin me krerët e rajonit dhe komisionerin për Zgjerim në Bashkimin Europian, Oliver Varhely, kryeministri Edi Rama e lajmëroi në kuadër të turit ballkanik që zhvilloi në vendet e rajonit lidhur me Procesin e Berlinit.
E kur përgatitjet kanë nisur për Samitin e Procesit të Berlinit, që pritet të mbahet në Tiranë me 16 tetor të këtij viti, në takimin informal të ditës së nesërme (17 korrik) siç mëson RTSH, pjesëmarrjen e kanë konfirmuar komisioneri BE-se Oliver Varheli, kryeministri i Malit të Zi, i Maqedonisë se Veriut, ajo e Serbisë, ndërsa sipas burimeve i pranishëm do të jetë edhe zv. kryeministri i Kosovës.
Por çfarë është Procesi i Berlinit
Iniciativa synon rritjen e bashkëpunimit rajonal në Ballkanin Perëndimor. Kjo është një nismë e vitit 2015 për të mbështetur integrimin në Bashkimin Europian të vendeve të Ballkanit Perëndimor: Bosnje Hercegovina, Mali i zi, Kosova, Maqedonia e Veriut, Serbia dhe Shqipëria.
E prezantuar me 28 gusht nga kancelarja Anglea Merkel, Procesi i Berlinit po zhvillohet me mbështetjen e Komisionit Europian, institucioneve financiare ndërkombëtare dhe shteteve anëtare, bazuar në miratimin e akuis komunitar, apo tërësia e të drejtave dhe e detyrimeve të përbashkëta që i bashkon të gjitha shtetet anëtare të Bashkimit Europian.
