Kuvendi i Kosovës do të mblidhet në 10 mars

Kryesia e Kuvendit të Kosovës vendosi sot që seanca e Kuvendit të Kosovës të mbahet më 10 mars.

Sipas kryetarit të Kuvendit Kadri Veseli në këtë seancë ne rend dite janë 18 pika,  ku një pjesë e tyre kanë të bëjnë me integrimet evropiane.

Sipas Veselit, tri ditë pas kësaj seance, do të mbahet një tjetër për emërimet e anëtarëve të Bordit të Organit Shqyrtues të Prokurimit.

Veseli ka ftuar opozitën që të marrin pjesë në seancë, pasi bëhet fjalë për liberalizimin e vizave.

Ndërsa pyetjes lidhur me zgjedhjen e presidentit të Kosovës, Veseli tha se “për këtë vendos Kushtetuesja”.

Në mbledhjen e Kryesisë mori pjesë edhe deputetja e Lëvizjes Vetëvendosja Aida Dërguti,  e cila e ka kundërshtuar mbajtjen e seancës të enjten.

Dërguti tha se do të marrin pjesë ne seancë si herët e tjera, duke lënë të kuptohet se sërish do të ketë forma të protestimit nga ana e opozitës.