Largimi nga puna për mospagimin e energjisë, AP nis hetim administrativ

Avokati i Popullit ka nisur një hetim administrativ për rastin e publikuar në media për pezullimin nga detyra të 131 punonjësve të drejtorisë së burgjeve, pasi këta të fundit nuk kishin paguar energjinë elektrike.

Sipas burimeve nga AP, mësohet se lidhur me këtë hetim, i është nisur kërkesa për informacion Drejtorisë së Përgjithshme të Burgjeve dhe për dijeni ministrit të Drejtësisë, Nasip Naços.

Në kërkesat e parashtruara nga AP, këtyre dy institucioneve u është kërkuar, numrin e punonjësve të larguar nga puna për këtë rast, motivacionin e përdorur nga ana e institucioneve për zgjidhje të marrëdhënieve të punës si dhe baza ligjor të cilës i jeni referuar nëse ka raste të tilla. Gjithashtu, i është kërkuar një kopje të urdhërave të largimit nga puna si dhe çdo dokumentacionin tjetër që provon shkaqet ligjore për zgjidhje të marrëdhënieve të punës.

Kujtojmë të shtunën e shkuar, Ministria e Drejtësisë largojë nga detyra 131 punonjës burgjesh me arsyen se nuk kishin paguar energjinë elektrike.