Marinzë, banorët protestojnë sërish; çojnë bagëtinë para zyrave të “Bankers”

Pas shisheve më qumësht, banorët e Marinzës kanë vendosur bagëtitë e tyre para zyrave të kompanisë kanadeze të naftës “Bankers Petroleum”.

Kjo, për t’i treguar kompanisë se dëmi i saj në blegtori është kolosal dhe së qumështi i këtyre bagëtive është i pakonsumueshëm.

Banorët pohojnë së prej kohësh qumështi i bagëtive të tyre nuk gjen më treg shitjeje, e duke marrë shkas nga kjo në fshat kanë zbarkuar edhe inspektorët e Agjencisë Kombëtare të Ushqimit, të cilët kanë marrë mostra.

Protestat e banorëve të Marinzës nuk janë ndalur që pas dëmeve të konsiderueshme në tokat bujqësore dhe banesat e tyre që shkaktuan shpërthimet më 1 prill në puset ku “Bankers” punon për nxjerrjen e naftës.