Mbrëmja e veçantë e Dhomës së Tregëtisë dhe Industrisë së Tiranës
Festat e fundvitit janë një rast më shumë jo vetëm për të gëzuar familjarisht dhe në komunitet, por edhe për të bërë bilancin e një viti që po mbyllet.
Nën këtë optikë, Dhoma e Tregëtisë dhe Industrisë së Tiranës, duke vijuar traditën e saj , organizoi mbrëmjen festive ku merrnin pjesë përfaqësues të biznesit, të medias, politikanë, diplomatë e të tjerë. Të ftuar në këtë mbrëmje ishin edhe kryetari i Kuvendit, Ilir Meta dhe zv.kryeministri, Niko Peleshi.
Duke përshëndetur, kryetari i DHTIT-ës , Nikolin Jaka falenderoj biznesin për angazhimin e veçantë për t’íu përgjigjur sfidave të vështira të një viti jo të lehtë në planin ekonomik, por edhe për iniciativat krijuese të mjaft përfaqësuesve të biznesit, që janë në kërkim të rrugëve të reja që e forcojnë dhe konsolidojnë ekonominë shqiptare.
Gjithashtu zoti Jaka në fjalën e tij, evidentoj punën e bërë nga institucioni që drejton për promovimin e risive në fushën e biznesit gjatë këtij viti si dhe përpjekjet e bëra për të njohur shqetësimet e komunitetit që përfaqëson.
Ai gjithashtu falenderoj edhe një sërë biznesesh të reja të çelura në këtë vit dhe që kanë njohur një rritje të shpejtë, çfarë tregon se kur investohesh me vizion dhe i bashkëngjit pasionin, suksesi është i sigurt.
“Aleat të qëndrueshëm dhe të pazëvëndësueshëm”- e ka konsideruar zv.kryeministri, Niko Peleshi biznesin, duke përshëndetur në këtë mbrëmje festive.
Ai gjithashtu foli për vëmendjen e vazhdueshme që ka qeveria shqiptare ndaj biznesit si dhe për hartimin e një projekt-ligji të ri i cili do të miratohet së shpejti dhe që konsolidon dhomat e tregëtisë dhe industrisë, si organizma që veprojnë në ndihmë të biznesmenëve shqiptarë.
Mbrëmja e cila ishtë konceptuar edhe si një show artistik , u pasua me ndarjen e mjaft çmimeve për bizneset më të suksesshme gjatë vitit 2015.
Televizioni ORA-NEWS dhe televizioni SCAN u nderuan me çmime të veçanta si partnerët më të fuqishëm në fushën e biznesit.
Po kështu me çmime u nderuan edhe Banka Credins, kompania e fuqishme dhe e njohur “Lajthiza “ , ajo e sigurimeve “EUROSIG” , kompania “ Gega Oil “e të tjerë .
