Me hapjen e vendvotimeve filluan zgjedhjet lokale në BeH

Me hapjen e 5.469 vendvotimeve sot në orën shtatë të mëngjesit filluan zgjedhjet e shtata lokale në Bosnjë e Hercegovinë që nga firmosja e Marrëveshjes së Paqes të Dejtonit dhe të katërtat të cilat i zbaton Komisioni Qendror Zgjedhor.

Në zgjedhjet e sotme lokale të drejtë vote kanë 3.263.906 votues të regjistruar në listën qendrore zgjedhore. Në zgjedhjet lokale në BeH sot votohet për 131 kryetar komunash, 10 kryetar qytetesh dhe 3.136 këshilltarë.

Të shtunën, me fillim në ora shtatë në fuqi hyri heshtja zgjedhore gjatë të cilës subjekteve politike dhe kandidatëve, por edhe mediave u ndalohet çdo prezantim politik. Heshtja zgjedhore do të zgjasë deri të dielën në orën 19:00, konkretisht deri në mbylljen e vendvotimeve në Bosnjë e Hercegovinë.

Zgjedhjet lokale në Bosnjë e Hercegovinë zbatohen për 74 këshilla komunale në Federatën e Bosnjë e Hercegovinës, 57 kuvende komunale në Rerpublikën Sërpska, katër këshilla të qyteteve në Federatën e Bosnjë e Hercegovinës, gjashtë kuvende të qyteteve në Republika Sërpska, 131 kryetar të komunave në Bosnjë e Hercegovinë, 10 kryetar të qyteteve në BeH.

Përveç 131 kryetar komunash dhe 10 kryetar të qyteteve në zgjedhjet lokale të vitit 2016 do të përcaktohen edhe 3.136 këshilltarë prej të cilëve 26 përfaqësues të pakicave nacionale.

Në listat e kandidatëve gjenden gjithsej 30.445 kandidatë edhe atë 418 kandidatë për kryetar komunash dhe kryetar të qyteteve dhe 29.884 kandidatë për këshille komunale dhe kuvende komunale, konkretisht këshilla të qyteteve dhe kuvende të qyteteve, dhe 143 për këshilltarë nga radhët e pakicave nacionale.

Ndryshe, në zgjedhjet marrin pjesë 451 subjekte politike prej të cilëve: 102 parti politike, 103 koalicione, 171 kandidatë të pavarur, 17 lista të kandidatëve të pavarur, 52 kandidatë të pavarur në emër të 52 grupe të qytetarëve dhe gjashtë kandidatë të pavarur në emër të gjashtë shoqatave të qytetarëve. Nga Komisioni Qendror Zgjedhor të BeH-së është evidentuar se zgjedhjet lokale në BeH do të vëzhgohen 6.766 vëzhgues.