Më në fund bursa e Athinës hapet me rritje

Bursa e Athinës u hap me rritje prej 2,03 për qind sot, e mbështetur nga vlerat bankare, pas rënies dje pasdite prej 9,24 për qind si pasojë e shqetësimeve të investitorëve për masat e njoftuara nga qeveria e re e majtë e Aleksis Ciprasit.

Në orën 08:45 GMT, treguesi i përgjithshëm Athex fitoi 2,05 pikë duke shkuar në 725,72 dhe katër bankat kryesore të vendit Alpha, Banka Kombëtare Greke, ajo e Pireut dhe Eurobank, fituan nga 10 për qind secila pas humbjes të më shumë se çerekut të vlerës së tyre një ditë më parë.