Mediat serbe: Trepça mbetet pronë e Serbisë

“Trepça do të mbetet pronë e Serbisë”, shkruan e përditshmja serbe, Blic.
Duke iu referuar burimeve nga Prishtina, e përditshmja serbe shkruan se qeveria e Kosovës miratoi sot në mëngjes, nën presionin e bashkësisë ndërkombëtare, projektligjin, i cili siguron se Trepça ka hyrë në procesin e riorganizimit, që do të thotë se Serbia mbetet pronarja më e madhe e minierës së Trepçës.
Sipas gazetës Ekspress, një burim i mirëinformuar i  gazetës Blic, thotë se është projektligji për kompanitë publike, i cili parashikon rikthimin e Trepçës nën menaxhimin e qeverisë së Kosovës, që do të hiqet nga rendi i ditës të Kuvendit të Kosovës.
Sipas Blicit të Serbisë, Fondi i Zhvillimit i Serbisë zotëron 55 përqind të “Trepçës” , një pjesë prej 20 për qind në duart e kompanive serbe.
Autoritetet e Kosovës kanë njoftuar për marrjen e njëanshme të “Trepçës” për 2 shkurt.
Kryeministri Aleksandar Vuçiç , tha sot se do të shtyhet votimi i një ligji eventual mbi Trepçën.
Vuçiç u shpreh se qeveria në këtë çështje është duke punuar me komunitetin ndërkombëtar, i cili beson se ai është neutral në këtë çështje.
Qeveria e Serbisë, sipas fjalëve të Kryeministrit ka bërë disa përparime në zgjidhjen e problemit të “Trepçës” , dhe sipas të gjitha ligjeve , negociuar edhe në Bruksel çështja e pronës është ende e hapur për dialog me Prishtinën.