Medvedev: Sanksionet kundër Moskës do t’i kushtojnë BE-së 90 miliardë euro

Kryeministri rus, Dmitri Medvedev, vlerësoi sot në 90 miliardë euro në dy vite humbjet e mundshme të ekonomisë evropiane për shkak të sanksioneve perëndimore kundër Rusisë të lidhura me krizën ukrainase.

“Ekonomia jonë për shkak të këtyre sanksioneve me shumë mundësi ka humbur disa dhjetëra miliarda dollarë”, deklaroi Medvedev në televizionin publik rus.

Por sipas llogaritjeve të ekonomistëve tanë, ekonomia evropiane, ka humbur këtë vit 40 miliardë euro dhe do të humbasë vitin tjetër 50 miliardë euro”, vazhdoi ai, duke shtuar se sanksionet nuk janë të mira për asnjë.

Bashkimi Evropian, që është partneri kryesor tregtar i Rusisë, miratoi që prej aneksimit të Krimesë në mars sanksione gjithnjë e më të forta kundër Moskës, duke prekur që prej kësaj vere bankat e fuqishme publike, private dhe sektorin e naftës, shumë jetësor për vendin.

Multikombëtaret evropiane investuan masivisht vitet e fundit në ekonominë ruse për të përfituar nga niveli shumë dinamik i rritjes së ekonomisë dhe rritjes së një kales të mesme gati të konsumojë shumë.

Ato shumë herë i kanë kritikuar sanksionet perëndimore, duke paralajmëruar mbi pasojat që kanë ndaj ekonomisë evroiane dhe punësimit.