Ministri kosovar, Lekaj: I shkrova Gjiknurit për tarifën, po nuk më ktheu përgjigje

Ministri i Infrastrukturës së Kosovës Pal Lekaj është takuar me ambasadorin shqiptar në Prishtinë, Qemal Minxhozi ku e informoi se nuk ka marrë përgjigje nga homologu i tij Gjiknuri për tarifën e rrugës së Kombit.

Nëpërmjet një postimi në Facebook Pal Lekaj thotë: “Po ashtu e diskutuam edhe letrën zyrtare me të cilën i jemi drejtuar Ministrit të Infrastrukturës dhe Energjetikës, z. Damian Gjiknuri dhe për mungesën e përgjigjes në këtë letër. Ishte dakordim i dyanshëm që hapat e mëtutjeshëm të bëhen me dakordancë të plotë. Shqipërisë dhe Kosovës si dy vende vëllazërore ju duhen marrëdhënie me influencë pozitive për zhvillimin e gjithëmbarshëm”.