Ministri Shala premton investime në Gjilan

Ministri i Kulturës, Rinisë dhe Sportit, Kujtim Shala, vizitoi sot komunën e Gjilanit, për të cilën edhe ka premtuar mbështetje në fushën e kulturës dhe sportit.

“Në këtë komunë do të investohet në rikonstruksionin e teatrit dhe muzeut”, tha Shala duke shtuar se investimet më të mëdha do të bëhen në pallatin e sportit.

Në Gjilan, Shala u prit nga kryetari i kësaj komune, Lutfi Haziri, i cili tha se komuna që ai drejton ka nevojë për mbështetje në këtë fushë.

Ministri Shala u njoh nga afër me problemet e kësaj komune në fushën kulturore.
Ministri Shala sot në Gjilan ka vizituar teatrin, muzeun dhe sahatkullën.