Nëna e kryekomisar Dritan Lamajt: Shteti të zbardhë vrasjen e djalit tim

Nëna e kryekomisarit të vrarë Dritan Lamaj i ka bërë thirrje strukturave të shtetit të zbardhin vrasjen e djalit të saj, i cili u ekzekutua me 12 plumba afër shtëpisë së tij në shkurt të vitit 2013 pranë bllokut të pallateve “Vasil Shanto”.

Nëna e të ndjerit ka thënë se nëse shteti nuk e zbardh ngjarjen, do t’i drejtohet Gjykatës së Hagës për drejtësi.

“Kërkoj që të zbardhet çështja e djalit tim. Unë nuk vras dhe hakmerrem dot, ia kam lënë shtetit në dorë, – tha ajo. – Nëse përgjegjësit nuk dalin para drejtësisë, atëherë do t’i drejtohem Gjykatës së Hagës”.

Për vrasjen e Lamajt, u akuzua dhe u gjykua Arben Frroku, por para pak javësh, Gjykata e Apelit për Krime të Rënda e shpalli të pafajshëm.