Netanyahu: Marrëveshja bërthamore me Iranin ekstremisht e rrezikshme

Marrëveshja bërthamore nën negociata me Iranin mund të çojë në një garë armësh nukleare në pjesën më të rrezikshme të botës, paralajmëroi sot kryeministri izraelit, në një fjalim drejtuar Kongresit amerikan, ku vlen të theksohet se rreth 50 deputetë demokratë e bojkotuan atë.

“Kjo nuk do të jetë lamtumirë armëve, por lamtumirë kontrollit të tyre”, theksoi Netanyahu.

”T’i japësh mundësinë Iranit të pasurojë uraniumin para përfundimit të marrëveshjes së propozuar në ndërkohë që i heq edhe sanksionet do t’i mundësojë Teheranit të gëzojë më të mirën e dy botëve: agresionin jashtë vendit dhe prosperitet brenda tij”, deklaroi kryeministri izraelit.

Ai akuzoi fqinjët e Iranit duke thënë se të gjithë ata kanë ndërmend të posedojnë armët e tyre bërthamore në rast të arritjes së marrëveshjes me Teheranin.