Netanyahu urdhëron sulm ushtarak në periferitë jugore të Bejrutit

Kryeministri izraelit Benjamin Netanyahu tha sot se i kishte urdhëruar ushtrisë të sulmonte objektiva në periferitë jugore të Bejrutit, një bastion i Hezbollahut, ndërsa Izraeli zgjeron operacionet ushtarake në Libanin jugor.

“Për shkak të shkeljeve të përsëritura të armëpushimit në Liban nga organizata terroriste Hezbollah dhe sulmeve kundër qyteteve dhe qytetarëve tanë, Netanyahu dhe Ministri i Mbrojtjes, Israel Katz, urdhëruan ushtrinë izraelite të godiste objektivat terroriste” në periferitë jugore të Bejrutit, thuhet në deklaratë.