Ngjela këshillon Ramën: Mos bëj asnjë lëshim me Bashën

Përpara takimit mes kreut të PD, Lulzim Basha dhe kryeministrit Edi Rama, avokat Spartak Ngjela ka një këshillë për kreun e qeverisë

Kjo është prova e Edi Ramës.

E pranon dhe e mbështet Reformen për Demokracinë shqiptare, të propozuar nga Perëndimi atlantik, ose jo…

Nuk ka zvarritje, zoti Rama, shqiptarët po shkojnë drejt një varfërie ekstreme.

Qeveria jote është në Embargo që të pranohet koncepti Europian i Drejtësisë dhe i antikorrupsionit.

Koha tregoi se Berisha dhe tabori i tij e urrejnë zhvillimin demokratik dhe Drejtësinë shqiptare.

Po ti zoti Rama?

Kjo do kuptohet sot: jeni ose jo për prosperitetin shqiptar. Asnjë lëshim.

Çdo lëshim është kundër interesit të zhvillimit europianoperëndimor të shqiptarëve dhe Shqipërisë, dhe është kyçje e shqiptarëve në varfërinë e imponuar nga krimi shtetëror.

Nesër shqiptarët presin futjen e Reformës si draft në Parlamentin Shqiptar.

Votat atje janë të atlantizmit amerikanoeuropian dhe jo të Saliut.