Nis marshi protestues
14:00 – Ka nisur marrshi protestues drejt Gjykatës Kushtetuese, kurse në ballë të protestës janë liderët e tri partive opozitare.
14:00 – Protestës i janë bashkuar edhe liderët e tri partive opozitare, Visar Ymeri – VV, Ramush Haradinaj – AAK dhe Fatmir Limaj – NISMA.
Ndërkohë në sheshin “Zahir Pajaziti” po grumbullohen vazhdimisht protestuesit.
13:50 Në sheshin “Zahir Pajaziti” po grumbullohen vazhdimisht protestuesit. Aktualisht aty janë rreth 2,500 protestues.
Krahas protestuesve aty janë edhe deputetë edhe liderë të partive politike opozitare.
Protestuesit po thërrasin parulla kundër qeverisë. Protestuesit janë duke u bërë gati për marshutën të cilën do ta bëjnë së pari drejt Gjykatës Kushtetuese, pastaj te KEDS-i dhe RTK-ja, për t’u kthyer sërish në shesh.
13:40 Rreth njëmijë protestues aktualisht janë grumbulluar në Sheshin “Zahir Pajaziti”.
Gradualisht është duke u mbushur sheshi “Zahir Pajaziti” në Prishtinë, prej ku në orën 14:00 është paraparë të fillojë marshi i protestuesve.
Në protestë ka mbërri edhe ish lideri i VV-së Albin Kurti.
Organizatorët kanë angazhuar kujdestarë të shumtë të cilët po përkujdesen për mbarëvajtjen e saj.
