Në të gjithë vendin nisi sot vaksinimi i uniformave blu. Kryeministri Edi Rama së bashku me ministren e Shëndetësisë dhe Mbrojtjes Sociale, Ogerta Manastirliu dhe Drejtorin e Përgjithshëm të Policisë së Shtetit pa sot nga afër ecurinë e këtij procesi në stadiumin “Air Albania”.
“Një artikull i “New York Times” i bërë publik sot tregon se bazuar në të dhënat e deritanishme vaksina kineze “Sinovac”, renditej e para”, tha Rama.
Drejtori i Përgjithshëm i Policisë së Shtetit, Ardi Veliu informoi se janë 11 800 policë që do të mund të vaksinohen.
Procesi i vaksinimit të uniformave blu, tha Manastirliu ka nisur edhe në rrethe.
“Deri tani janë vaksinuar rreth 600 efektivë”, deklaroi Manastirliu.
Gjatë ditës së djeshme janë kryer 17 023 vaksinime antikovid në të gjithë vendin ndërkohë që nga totali prej 172.486 vaksinimeve të bëra mbi 100 mijë janë gjyshe dhe gjyshër.
Gjithashtu dje nisi edhe procesi i vaksinimit të gazetarëve dhe operatorëve i cili do të vijojë çdo ditë në orën 15:00 në sheshin “Skënderbej”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.