Një ditë e mirë për Victorian

Victoria Beckham pret klientët në dyqan. I tregon atyre një anë të saj, të cilën nuk e shohim shpesh.

Victoria njihet për pozat e saj serioze, por, në ambientet e dyqanit të saj të ri në Londër, stilistja dukej e buzëqeshur, ndërsa bisedonte me klientët.

Ndërsa kaloi për të parë si shkonte puna në dyqanin në Dover Street, disa prej klientëve patën fatin të takonin një prej yjeve më të mëdhenj në botë.

Beckham, e veshur e gjitha me të zeza, dukej plot gëzim e krenari për punën në dyqanin e saj. Një sipërmarrje të tillë ajo e kishte ëndërr dhe punën për të e kishte nisur prej dy vjetësh.

Posh Spice po mban premtimin e saj, se do të ishte një pronare e përfshirë në punët e dyqanit, shkruan Anabel. Ajo madje tha për revistën Grazia se do të bindte edhe David dhe djalin e tyre të madh, Brooklyn, të ndihmojnë.