Rajoni
Nuk ka asnjë kërcënim ushtarak për Bullgarinë nga agresioni rus në Ukrainë
Lajmet e fundit nga Rusia tregojnë një përshkallëzim të konfliktit në Ukrainë, tha Zëvendësministri i Punëve të Jashtme dhe Zëdhënës i ministrisë Kostadin Koxhabashev në një konferencë për shtypin. Ai konfirmoi qëndrimin e ministrisë se aktualisht nuk ka ndonjë kërcënim specifik ushtarak për vendin. Referendumet në territoret e pushtuara nuk do të njihen ndërkombëtarisht dhe kjo është një përpjekje e Rusisë për të legjitimuar veprimet e saj në Ukrainë. “Sigurisht që kjo do ta komplikojë situatën”, tha Koxhabashev.
Nuk ka të dhëna se shtetas bullgarë me pasaporta ruse mobilizohen, tha Ministri i Mbrojtjes Dimitër Stojanov. I pyetur nëse Sofja do të mbështeste sanksionet e reja të BE-së kundër Rusisë, ai u përgjigj se Bullgaria ndjek gjithmonë qëndrimin e unifikuar evropian. Për momentin nuk ka kërcënim për përfshirje të vendit në luftë, shtoi Stojanov.
