Nuk ka fakte për trafikim organesh

Nuk ka fakte për trafikim organesh dhe krim të organizuar në raportin e prokurorit special, Clint Williamson, por priten të arrestohen 6 përkatësisht 10 ish­pjesëtarë të UÇK­së. Kështu raportojnë mediat në Serbi.

Edhe pse vizita e djeshme e prokurorit amerikan Clint Williamson kaloi në heshtje, mediat serbe sot veç kanë nisur të lajmërojnë se raporti i tij nuk do të ketë fakte për tregti me organet njerëzore në Kosovë, për krim të organizuar e as për përgjegjësi komanduese të Shtabit të Përgjithshëm të UÇK­së.Kështu shkruan e përditshmja Danas duke u thirrur në burimet diplomatike nga Brukseli.

Sipas të njëjtave burime Williamson mund të ngrisë aktakuzë kundër “gjashtë deri dhjetë” ish- pjesëtarëve të UÇK­së për krime lufte ndaj civilëve serbë.

Zona e Radoniqit, Kleçkës, Zoçishtës dhe Bellaqevcit afër Prishtinës, janë disa nga terrenet ku dyshohet se prokurori ka hasur në fakte për krime lufte. Dhe për këtë dyshohen politikanë të lartë në Kosovë, disa prej të cilëve janë akuzuar edhe më herët, raporton “Danas”.

“Fakte të zbehta” cilësohen akuzat, për tregti me organe, rasti i shtëpisë së verdhë, i ngritur dy vite më parë nga ish deputeti i Këshillit të Evropës, Dick Marty, E po aq të zbehta cilësohen edhe lidhjet e UÇK­së së me këto krime, që nënkupton se kryeministri i Kosovës, Hashim Thaçi, nuk është në listën e të dyshuarve, raporton “Danas”.

Ndryshe, Bashkimi Evropian do ti ndajë edhe rreth 300 milionë euro për formimin e Gjykatës speciale për krime lufte në Kosovë, ku do të punësohen rreth 150 gjyqtarë, prokurorë, hetues dhe ekspertë ndërkombëtarë.