OBSH: Rrugët e Bosnjes më vdekjeprurëset në Ballkan

Rrugët më vdekjeprurëse në Ballkan ndodhen në Bosnje-Hercegovinë, sipas të dhënave nga Organizata Botërore e Shëndetësisë (OBSH).

Sipas organizatës, vdekshmëria në rrugët e Bosnjes është pothuajse katër herë më e madhe sesa në Gjermani.

”Shkaqet për këtë janë kushtet e këqija klimaterike, kultura e pamjaftueshme në komunikacion, por më së shumti është fakti se shteti nuk investon mjete për sigurinë në komunikacion”, thotë OBSH-ja.

”Në një vit në Bosnje numri i rasteve vdekjeprurëse në rrugë është 15 persona në 100 000 banorë. Në Malin e Zi ky numër është 11, ndërsa në Kroaci 10 në 100 mijë persona”, thekson OBSH-ja.