Opozita e Kosovës proteston në Gjilan

Partitë opozitare kanë nisur manifestimin në Gjilan. Ata kundërshtojnë marrëveshjen për Asociacionin e Komunave serbe dhe Demarkacionin me Malin e Zi.

Në tubim ka qënë edhe deputeti Ismajl Kurteshi, i cili aktualisht është në arrest shtëpiak. “Thirrje Thaçit dhe Isës të tërhiqen sa nuk është vonë, populli ua ka kthyer shpinën”, është shprehur Kurteshi.

Ndërsa Fatmir Limaj ka bërë thirrje qytetarëve që të bashkohen kundër Serbisë në Kosovë. “Kosova e përgjumur po ngjallet. Opozita po fuqizohet me intelektualë nga gjithë Kosova. Thirrje qytetarëve pavarësisht kujt ia kanë dhënë votën të bashkohen kundër Serbisë në Kosovë”, është shprehur Limaj.