Pas katër muajsh qëndrimi në Francë, Haradinaj rrugës për në shtëpi
Ish-kryeministri kosovar, Ramush Haradinaj, duket se ka marrë rrugën për t’u kthyer në shtëpi, pas katër muajsh qëndrimi në Francë, në pritje të një vendimi gjyqësor.
Të paktën kështu ka thënë konsulli i Kosovës në Francë, Edon Cana, i cili ka postuar një fotografi në llogarinë e tij në Facebook.
Në këtë fotografi shihet lideri i AAK-së, Ramush Haradinaj, konsulli Cana, dhe avokatja mbrojtëse e Haradinajt në Francë, Rachel Lindon.
Ish-kryeministri Haradinaj po akuzohej nga Serbia për krime lufte gjatë vitit 1998 dhe 1999.
Haradinaj është mbajtur në Francë me fletarrest të Serbisë që nga muaji janar i këtij viti.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.