Pasuria e Ismailajt, avokati: Është vënë në mënyrë të ligjshme

Gjykata e Krimeve të Rënda nuk e ka marrë në shqyrtim kërkesën e Prokurorisë për sekuestrimin e pasurive të Kastriot Ismailaj, administratori i DIA-s, i cili akuzohet për pastrim parash dhe dëm financiar të shkaktuar shtetit shqiptar prej miliona eurosh.

Për Ismailajn, gjykata ka kërkuar kohë të njihet me provat e Prokurorisë së Krimeve të Rënda. Ndërkohë në seancë ka qenë i pranishëm edhe avokati i Ismailajt, Vladimir Meçe, i cili ka thënë se pasuria e klientit të tij është e ligjshme dhe e justifikuar.

“Këtë kërkesë, vendosëm ta nxjerrim jashtë komitetit të juridiksionit, sepse nuk përfshhiet në ligjin në fjalë. Ne do të provojmë se pasuria e vendosur nga Kastriot Ismailaj, nuk përbën asnjë vepër penale”, – tha Meçe.