PD, Elmazi: Koncesioni i hekurudhës u dha pa tender e pa garë

Partia Demokratike ka akuzuar sërish kryeministrin Edi Rama për dhënien e konçesioneve pa tender dhe pa garë. Liljana Elmazi, deputete e PD-së tha për mediat, se konçesioni i hekurudhës i është dhënë djalit të nënkryetares së Kuvendit, Valentina Leskajt.

“Paratë shkojnë tek biznesmeni Arjan Leskaj, mik i vjetër i bashksië së Edi Ramës, djali i nënkryetares së Kuvendit. Ky koncesion është bër pa transparencë, pa garë. Në hekurudhën Leksaj do të transportohet nafta që prodhohet në Ballsh, që shkon në Vlorë për tu tregtuar në Europë. Me filozofinë pa tender, fitues të paracaktuar po jepen çdo ditë ekskluzive për dekada të tëra. Çdo ditë pas çdo tenderi, pas çdo konçesioni shfaqet një mik i Edi Ramës, që natyrisht ndan fitimet me të”, tha Elmazi.