Përfundon pengmarrja, të paktën tre pengje të vrarë në një hotel

Forcat speciale të policisë së Malit nisën sulmin në hotelin ”Radisson Blu” të Bamakos, i kthyer në arenë sulmesh dhe pengmarrjesh, duke bërë të mundur lirimin e dhjetëra personave, tha për median zëdhënësi i Ministrisë së Sigurisë së Brendshme të Malit.

“Tri pengje janë vrarë”, njoftoi ky zëdhënës, duke saktësuar se kombësitë e viktimave nuk ishin identifikuar ende.

“Kundërpërgjigjia e forcave speciale po vijon ende, ata kanë bërë të mundur lirimin e dhjetëra personave”, deklaroi ai duke vlerësuar se në ndërtesë ndodheshin dy ose tre agresorë.

Media afrikane njofton se në vendngjarje ka patur edhe forca speciale amerikane.