Përgjimet nga Gjermania, Bushati: Do ndjekim rrugën diplomatike

Kryediplomati Ditmir Bushati deklaroi sot se çështja  e përgjimeve nga shërbimet sektaret gjermane do të ndiqet në rrugë zyrtare e diplomatike. Deklarata e Bushatit u bë gjatë konferencës së përbashkët për shtyp me homologun e Letonisë, Edgar Rinkçvies.

“Mirëkuptoj ndjeshmërinë e opinionit publik dhe medias për të tilla çështje. Më lejoni gjithashtu të garantoj opinionin publik se ne jemi në kontakte të vazhdueshme me Gjermaninë si një vend partner strategjik sa i përket ecurisë së Shqipërisë në procesin e integrimit në BE. Kur them jemi në kontakt, kjo është një çështje që do të trajtohet në kanale diplomatike. Nga ana tjetër nuk duhet të harrojmë që ne jemi dy vende anëtare të NATO-s, ka ndërveprim mes dy vendeve tona, siç ka shpesh mes aleatëve në nivelin politik, në nivelin ushtarak dhe atë të shërbimeve inteligjente”, tha Bushati.

Lajmi se Shqipëria krahas disa vendeve të tjera përgjohej nga shërbimet sekrete gjermani u publikua pak ditë më parë nga ‘Der Spiegel’.