Trafikonin emigrantë me kamionë, dënohen me burg tre shqiptarë në Londër (EMRAT)

Tre shqiptarë janë dënuar pas një hetimi nga Shërbimi i Policisë Metropolitane. Ata akuzohen si anëtarë të rrjetit të kontrabandës së njerëzve me bazë në Londër, të cilët morën 11,000 paund për të dërguar njerëz në Mbretërinë e Bashkuar. Grupi u arrestua më 18 qershor 2025.

Toni Liko dhe Klement Gjika u dënuan secili me nga 5 vite e 8 muaj burg, ndërsa Stelian Bodnariu me 3 vite e 4 muaj. Gjatë hetimeve, oficerët zbuluan se stacionet e karburantit në të gjithë autostradën M25 dhe më gjerë po përdoreshin për të transportuar emigrantë që po kontrabandoheshin në Mbretërinë e Bashkuar përmes automjeteve të rënda.

Nga pamjet e kamerave të sigurisë mësohet se ata më pas u transferuan në automjete të tjera përpara se të transportoheshin në Londër.

Detektivët përcaktuan se deri në 20 shqiptarë u dërguan në Londër përmes bandës gjatë 18 muajve që ata vepruan.  Pasi u arrestuan, analiza e telefonave zbuloi komunikim midis kontrabandistëve dhe shoferëve të automjeteve të rënda duke organizuar pikën e takimit dhe transferimet.

The post Trafikonin emigrantë me kamionë, dënohen me burg tre shqiptarë në Londër (EMRAT) appeared first on Euronews Albania.