Përurohet Zyra e Shërbimeve Unike në Vlorë, Tahiri: Të ndryshojmë perceptimin ndaj policisë

Kryeministri Edi Rama dhe Ministri i Punëve të Brendshme Saimir Tahiri morën pjesë në përurimin e zyrave të shërbimeve unike në Drejtorinë e Policisë së Vlorës.

Ministri Tahiri theksoi se përmes këtyre zyrave krijohet mundësia për të grupuar të gjitha shërbimet e Policisë së Shtetit në një pikë, për të garantuar shërbim në kohë, shërbim me cilësi, luftë ndaj korrupsionit.

Sipas, Tahirit, sfida e përbashkët mbetet të vazhdojmë dhe t’i japim brendi këtij institucioni të Policisë së Shtetit ndaj korrupsionit që kanë cënuar dinjitetin e shqiptarëve.

Ai tha se “ kjo është mënyra që të shmangim korrupsionin, për të garantuar luftën ndaj korrupsionit, ndaj jemi të bindur se kemi ende shumë rrugë për të ndryshuar perceptimin e shqiptarëve ndaj Policisë së Shtetit, por e vetëm nuk mund të arrijmë , kjo është arsyeja pse jemi duke ndërtuar këto ura komunikimi , ku çdo qytetar është i ftuar të bëjë me dije vonesën e shërbimit të policisë me të cilin është duke u përballur”.

Nderkaq, gjatë fjalës së tij, ai nënvizoi se kjo zyrë unike, ofron bashkëpunim me publikun duke krijuar marrëdhënie natyrale kundër krimit të organizuar.