Policia arreston një francez të dyshuar për lidhje me një prej vëllezërve Kouachi

Një francez, arrestuar në Bullgari më 1 janar pasi kishte tentuar të shkonte në Siri dyshohet për lidhje me Cherif Kouachin, një prej autorëve të atentatit të 7 janarit kundër ”Charlie Hebdo”, njoftoi drejtësia bullgare.

Mandat arresti evropian i lëshuar nga Franca kundër Fritz-Joly Joachin ka të bëjë me akuzën për pjesëmarrje në një grup kriminal të armatosur, objektivi i të cilit ishte organizimi i akteve terroriste”, deklaroi Darina Slavova, prokurore e përgjithshme e Haskovos (jug).

“Para nisjes më 30 dhjetor për Turqi, ai ka kontaktuar disa herë me një prej vëllezërve, Cherif Kuachi”, thuhet në mandat-arrest.